Zerbitzuak
Jantokia
Hostelería Goikoa-ko lantaldea arduratu izan da, belaunaldiz belaunaldi, gure jantokian zerbitzatzen ditugun menuak prestatzeaz. Benetako etxeko janaria, eskolan unean bertan prestatua eta gure baratzeko osagaiekin, ahal den guztietan.
Gurasoek oso ondo baloratzen dute gure jantoki zerbitzua. Ikasleez gain, irakasleek eta JM Bilbaoko beste pertsona batzuek ere bertan bazkaltzen dute egunero.
Gure jantokian zerbitzatzen ditugun errazioen dosifikazioa pertsonalizatua da, ikasleen adinaren eta sexuaren arabera; dena den, errepikatzeko aukera ematen da, eta, batzuetan, jaki desberdinak egoten dira aukeran.
Zure seme-alabak ahalik eta hobekien zaintzeko eta haien dieta egokitzeko, ondoez, alergia edo intolerantziarik badute, ahalik eta lasterren eman iezaguzu horren berri.
Harremanetan jartzeko: Haurren jantokia – Itziar Arza: itziar.arza@jmbilbao.net
Harremanetan jartzeko: Nagusien jantokia – Tracy Estévez: tracy.estevez@jmbilbao.net
Garraioa
Gure garraio zerbitzua Bilbo Handiko toki guztietara iristen da. Gaur egun, 10 ibilbide ditugu Haur eta Lehen Hezkuntzarako, eta beste horrenbeste DBHrako eta Batxilergorako. Beste ibilbide edo geltoki batzuk jartzeko eskaerak entzun eta ebaluatzen ditugu.
Harremanetarako: transporte@jmbilbao.net
Eskolaz kanpoko jarduerak
Futbola ala pintura? Musika ala zientzia? ALDABEko Eskolaz Kanpoko Jardueren Batzordearen bidez, Guraso Elkarteak eskolaz kanpoko jarduerak kudeatzen ditu, adin eta gustu guztietarako. Eskolaz kanpoko jardueren bidez, familia kontziliazioa erraztu nahi dugu, eta aldi berean lortu nahi dugu ikasleek aisialdiaz gozatzea, haien interesa piztea, ikastea eta berez dituzten gaitasunak eta ezaugarriak garatzea.
Eskolaz kanpoko jardueretan euskara, gaztelania eta ingelesa erabiltzen ditugu, hizkuntzen ezagutza orekatua bultzatzeko.
Harremanetarako: extraescolares@jmbilbao.net
Haurtzaindegi zerbitzua
- Haur goiztiarren gela: 8:25etik 9:25era.
- Arratsaldeko itxarongela: 16:30etik 17:30era.
Eskatu zure bisita pertsonalizatua
Eskatu zure bisita pertsonalizatua
Ezagutu zuzenean gure proiektu pedagogikoa:
